Fréttir
Risapottur á Evrópuseðlinum
Vegna óvenju margra raða með 10 rétta á Miðvikudagsseðlinum náði vinningur fyrir 10 rétta ekki lágmarksútborgun og fellur hann því óskiptur á 1. vinning á Evrópuboltanum á sunnudag. Fyrsti vinningur verður þá um ellefu milljónir króna. Þess má geta að fyrsti vinningur á laugardagsseðlinum hefur verið um fjörtíu milljónir króna undanfarnar vikur þannig að það er eftir miklu að slægjast í getraununum um helgina.
