Viðskiptavinur sem keypti sér Víkingalottómiða í N1 við Gagnveg í Reykjavík í vikunni hafði aldeilis heppnina með sér,  en hann var með 5 réttar tölur auk bónustölu, þ.e. hinn alíslenska bónusvinning og hlýtur hann rétt tæpar 15,9 milljónir í vinning.  Hins vegar var enginn með allar aðaltölurnar réttar að þessu sinni - þriðju vikuna í röð og verður fyrsti vinningur í Víkingalottóinu því fjórfaldur í næstu viku.

Enginn var með allar tölurnar réttar í útdrætti vikunnar og verður potturinn því sexfaldur næst. Fjórir skiptu með sér bónusvinningnum og fær hver rúmar 129 þúsund krónur í vinning. Miðarnir voru keyptir á N1 Sauðárkróki, Leirunesti á Akureyri, N1 Stóragerði og einn er í áskrift.  Einnig voru fjórir með fjórar réttar tölur í réttri röð í jókernum sem gefur 100 þúsund krónur í vinning. Miðarnir voru keyptir í Shellskálanum í Sandgerði, N1 í Hveragerði og tveir eru í áskrift.

Númerið sem var dregið út í Ferðaleiknum okkar að þessu sinni er 5205648. Sá sem er með þetta númer hlýtur ferðavinning að eigin vali að verðmæti kr. 250.000.